Plantun de Prouvènço

Pèr coumpara dos planto d'encò nostre

Typha angustifolia & Hypericum perfoliatum

Fielouso

Typha angustifolia

Typhaceae

Àutri noum : Filouso, Paviho-negro, Cire, Sagno, Masseto.

Noms en français : Massette à feuilles étroites, Quenouille à feuilles étroites.

Descripcioun :
Ei pas toujour eisa de destria aquesto fielouso dis àutri paviho. Typha angustifolia a li fueio mens larjo (3-7 mm) aleva d'aquéli di rejit que podon èstre mai larjo (2 cm). A peréu d'auriheto bèn dessinado (fotò) enca qu'acò èi de vèire emé l'auturo de la fueio ! Lou mies es encaro la distànci que desseparo l'espigo masclo de la femelo que fai aperaqui 3,5 cm.

Usanço :
Li fueio de fielouso podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 9 à 74 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Estang - Roubino - Ribiero
Estànci : Termoumediterran à Coulinen
Couroulougi : Bourealo
Ref. sc. : Typha angustifolia L., 1753

Trescalan(-perfoulia)

Hypericum perfoliatum

Hypericaceae Guttiferaceae

Noms en français : Millepertuis à feuilles en coeur, Millepertuis perfolié.

Descripcioun :
Lou trescalan-perfoulia es uno planto raro di coustiero de Var. Se recounèis à si fueio sènso pecou, en paréu e mai o mens en cor e à si ramo pas ramificado au contro de l'erbo-de-l'òli-rouge. La planto èi pulèu forto (20-80 cm). L'enflourejado es en paumo flaco.

Usanço :
Couneissèn pas d'usanço particuliero pèr aquéu trescalan. Ei bessai proche de l'erbo-de-l'òli-rouge. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Hypericum
Famiho : Hypericaceae
Famiho classico : Guttiferaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero

Liò : Prado umido
Estànci : Termoumediterran à Mesoumediterran
Couroulougi : Pancaro entresigna
Ref. sc. : Hypericum perfoliatum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha angustifolia & Hypericum perfoliatum

ges

Coumpara Fielouso emé uno autro planto

Coumpara Trescalan(-perfoulia) emé uno autro planto